Մեքսիկայի իրավապահ մարմինները ընթացիկ տարվա հունիսին հանցավոր խմբավորումներից և մաքսանենգներից բռնագրավել են ավելի քան 38,1 տոննա տարբեր թմրանյութեր: Այս մասին հայտնում է TASS-ը՝ հղում անելով Հանրային անվտանգության ազգային համակարգին:
Կազմակերպության հայտարարության մեջ նշվում է, որ խոսքը մարիխուանայի, կոկաինի, մետամֆետամինի մասին է: Բացի թմրանյութերից՝ հանցագործներից բռնագրավել են «41,8 մլն պեսո կանխիկ գումար (ավելի քան 2,1 մլն դոլար), 179 400 ԱՄՆ դոլար, 606 տրանսպորտային միջոց, 320 միավոր հրազեն և ավելի քան 41 հազար զինամթերք»:
Հուլիսին Մեքսիկայում մաքսանենգներն ակտիվ են: 10 օրից քիչ ժամանակամիջոցում երկրի ափամերձ շրջաններում զինվորականները բռնել են մի քանի մոտորանավակ, որոնք փոխադրել են ընդհանուր առմամբ ավելի քան 1,6 տոննա կոկաին:
