«Կաթիլը քար է ծակում». այս կարծիքին է ԱԺ պատգամավոր Ռուբիկ Հակոբյանը:
Նա ճիշտ չի համարում ստեղծված իրավիճակի միակողմանի գնահատումը. «Այն, ինչ կատարվում է Հայաստանում, պետք է կարողանալ տեսնել պատճառահետևանքային կապի մեջ»:
ԱԺ պատգամավորի կարծիքով՝ «այդ կաթոցը սկսվել է 22 տարի առաջ, որի դեմը մենք չկարողացանք առնել, և այն վերջին շրջանում շատ մեծ դղրդոցով ծակեց քարը»:
Ռուբիկ Հակոբյանը այս իրավիճակի համար մեղավոր է համարում բոլորին, այդ թվում նաև՝ իրեն. «96 թվականի ընտրությունների կեղծումից հետո պետք էր բոլորին պալատներից դուրս շպրտել, և այդ ժամանակ երևի թե չէին լինի այնքան զոհեր, ինչքան եղան դրանից հետո: Այդ օրը պետությունը հիվանդացավ անբուժելի հիվանդությամբ, որի մետաստազներն այժմ տարածվել են պետության բոլոր օրգաններում»:
Պատգամավորի վստահեցմամբ՝ եթե 96 թվականի ընտրությունները կեղծողները պատժվեին, հետագա իշխանությունները չէին գնա այդ քայլին:
«Խնդիրն այն է, որ հաճախ չենք տարբերակում պետությունն ու իշխանությունը. այն, ինչ անում ենք իշխանության դեմ, հաճախ ուղիղ կերպով հարվածում է պետությանը»,- ասաց Ռուբիկ Հակոբյանը:
Մանրամասները՝ տեսանյութում: