TASS-ի փոխանցմամբ` Սիրիայի նախագահ Բաշար Ասադը հերքել է Ֆրանսիայի իշխանության ներկայացուցիչների հետ ահաբեկչության դեմ պայքարին նվիրված գաղտնի հանդիպման լուրերը:
«Ինչ վերաբերվում է Սիրիայի և Ֆրանսիայի իշխանության ներկայացուցիչների միջև գաղտնի հանդիպման մասին տեղեկատվությանը, դա չի եղել և չի կարող տեղի ունենալ»,- հայտարարել է Ասադը հունական Epsilon TV հեռուստաալիքին տված հարցազրույցում: «Ցանկացած այդպիսի հանդիպում պետք է լինի բաց, այլ ոչ թե գաղտնի: Ինչի՞ համար են պետք գաղտնի հանդիպումները քաղաքական գործիչների միջև: Ի՞նչ ունենք մենք թաքցնելու»:
«Երկրորդ, Ֆրանսիայի կառավարությունը Սիրիայի ահաբեկիչների աջակցությունում եղել է «նիզակի ծայր»: Մենք հանդիպելու ոչ մի պատճառ չունենք, քանի որ մենք ունենք տարբեր ծրագրեր: Մեր օրակարգում է ահաբեկչության դեմ պայքարը, իսկ Ֆրանսիայի առաջնահերթ խնդիրն է եղել ահաբեկիչների աջակցությունը և տարբեր պատրվակներով Սիրիայի ներքին գործերին խառնվելը»:
«Երրորդ, ահաբեկչության դեմ պայքարի ոլորտում ցանկացած տեսքի համագործակցություն տեղի է ունենում Սիրիայի և արևմտյան երկրների քաղաքական համագործակցության հովանու ներքո, իսկ այդպիսի համագործակցություն ներկա պահին գոյություն չունի»,- վստահ է Ասադը: