Իտալական Corriere della Sera պարբերականին տված հարցազրույցի ժամանակ ԱՄՆ-ում բնակվող թուրք ընդդիմադիր ու իսլամական քարոզիչ Ֆեթհուլլահ Գյուլենը հայտարարել է, որ չի վախենում ԱՄՆ-ից արտահանձնվելուց:
«Ամերիկյան իշխանությունները ցայժմ չեն հաստատել, որ Թուրքիայի կառավարությունից արտահանձնման մասին պաշտոնական դիմում են ստացել:
ԱՄՆ-ը հստակ հասկացրել է, որ հավատարիմ է մնալու իրավական պետության օրինական ընթացակարգերին: Ես չեմ վախենում և համագործակցելու եմ ամերիկյան իշխանությունների հետ»,- ասել է նա:
Նա հերթական անգամ հերքել է Թուրքիայում իրականացված ռազմական հեղաշրջման փորձի կազմակերպմանն իր մասնակցության վերաբերյալ կասկածները. «Եթե նրանք, ովքեր կարդում են իմ աշխատանքները և լսում են իմ ելույթները, հանգել են պետական հեղաշրջման գաղափարին, ապա նրանք դավաճանել են իմ քարոզած արժեքներին»:
Գյուլենը համոզված է, որ Եվրոպան կարող է Թուրքիային օգնել շարունակել ժողովրդավարական բարեփոխումների ճանապարհը. «Ես մշտապես աջակցել եմ ԵՄ-ին Թուրքիայի անդամակցությանը:
Կարծում եմ, որ ԵՄ-ին անդամակցելը միակ եղանակն է՝ երաշխավորելու համար Թուրքիայի ժողովրդավարական զարգացումն ու հարգելու համար հիմնական ազատությունները»: