Ունկնդիրների արձագանքը Հիլարի Քլինթոնի խոսքին ավելի դրական է եղել, քան Թրամփի ելույթին դիտածների արձագանքը: Այս մասին հայտնում է CNN-ը՝ հղում անելով Ֆիլադելֆիայում Դեմոկրատական կուսակցության համագումարում Քլինթոնի ելույթից անմիջապես հետո արված հարցման արդյունքներին:
Նախկին պետքարտուղարի ելույթը լսած ամերիկացիների մոտ 71%-ն ասել է, որ նրա խոսքն իրենց շրջանում առաջացրել է շատ դրական արձագանք: Իսկ Դոնալդ Թրամփի ունկնդիրների միայն 57%-ն է շատ դրական գնահատել հանրապետականների համագումարում նրա խոսքը:
Քլինթոնի ելույթը ընդհանուր առմամբ դրական արձագանք է ունեցել ունկնդիրների 86%-ի շրջանում:
Ելույթը դիտած ամերիկացիների մոտ 60%-ը նշել է, որ դեմոկրատ թեկնածուի խոսքերն իրենց ստիպել են վերանայել իենց կարծիքը, և հիմա իրենք ավելի հակված են ընտրություններում աջակցել Քլինթոնին:
