Հռոմի պապ Ֆրանցիսկոսը, որը ժամանել է Լեհաստան 15-րդ առաքելական այցով՝ Կաթոլիկ երիտասարդության համաշխարհային օրերին մասնակցելու համար, այցելել է թանգարան, որը գտնվում է Օսվենցիմում՝ նախկին նացիստական Աուշվից-Բիրկենաու համակենտրոնացման ճամբարի վայրում։ Ինչպես հայտնում են կազմակերպիչները՝ այդ ողբերգական վայր այցը ծրագրում ներառվել է անձամբ քահանայապետի խնդրանքով։
Համակենտրոնացման ճամբարի տարածքում Հռոմեա-կաթոլիկ եկեղեցու առաջնորդը հանդիպել է մահվան ճամբարի մի խումբ նախկին կալանավորների հետ և աղոթել «Մահվան պատի» մոտ, որտեղ ֆաշիստները գնդակահարել են հազարավոր կալանավորներ։
Հովվապետի այցը Օսվենցիմ ընթանում է լռության մեջ։ Ֆրանցիսկոսը որոշում է ընդունել ճառով հանդես չգալ, այլ միայն աղոթել։