Երևանյան իրադարձությունների ժամանակ ձերբակալված քաղաքացիների իրավունքների պաշտպանության խնդիրներին թեմայով ասուլիս քննարկման ժամանակ ՀՀ Ոստիկանության ՁՊՎ-ներում վերահսկողություն իրականացնող հասարակական դիտորդական խմբի նախագահ Հասմիկ Սահակյանը տեղակարել է, որ Էրեբունու ՊՊԾ-ի գրավման առաջին օրերից հետևում են իրադարձություններին, իսկ քաղաքացիներին բերման ենթարկելուց հետո դիտորդական խումբը 24-ժամյա ռեժիմով աշխատող շտաբ է ձևավորել: Բանախոսի խոսքով՝ շտաբի աշխատակիցներն այցելել են բոլոր ՁՊՎ-ներ:
Դիտորդական խմբի անդամ Սուրեն Իսկանդարյանը ևս տեղեկացրել է, որ հուլիսի 21-ից 24-ժամյա սկզբունքով աշխատում են.
«Ահազանգեր ստացանք, որ կան անհայտ կորածներ, բացահայտեցինք, որ մարզային ՁՊՎ-ներում կան քաղաքացիներ՝ այն հիմնավորմամբ, որ Երևանի ՁՊՎ-ում տեղ չի եղել»,-Armtimes.com-ի փոխանցմամբ՝ ասել է նա՝ հավելելով, որ միայն Երևանում հուլիսի 21-ին են 136 անձ է բերման ենթարկվել:
….Հասմիկ Սահակյանի խոսքով Արամ Հակոբյանին երբ այցելել են, տեսել են, որ մարմնական վանսվածքներ ունի.
«Նա շատ դժվար էր շարժվում, պատմեց, որ վիրավորներին պատգարակաով տեղափոխելիս եղել, իր մոտ զենք չի եղել, սակայն յոթ ոստիկաններ հարձակվել են իր վրա, ծեծել են, ընդ որում ողջ ճանապարհին ծեծել են՝ մինչ ԱԱԾ երրորդ հարկ բարձրացնելը, սակայն Հակոբյանը ՁՊՎ-ում հրաժարվել է Շտապօգնությունից, միայն ցավազրկող է խնդրել: Նա պաշտոնապես հայտարարեց, որ քրեական հանցագործներ չեն, ինչ անում են ազգի համար են, երկրի անվտանգության համար, նաև տեղեկացրեց, որ ինքնակամ չի հանձնվել, յոթ հոգով հարձակվել են իր վրա, գլխին մեջքին հարվածել»,-ասաց Սահակյանը:
Մանրամասները՝ սկզբնաղբյուր կայքում
