Washington Post պարբերականի լրագրողները հաշվել են, որ ԱՄՆ նախագահի թեկնածու Դոնալդ Թրամփը 2001 թվականից մինչև 2016 թ. սկիզբ բարեգործության ուղղել է 2,8 մլն դոլար հայտարարված 8,5 միլիոնից:
Թղթակիցները հաշվել են ընդհանուր գումարը, որը միլիարդատերն իր ելույթներում խոստացել է փոխանցել այդ բոլոր տարիներին:
Թերթի տվյալներով՝ թեկնածուի բարեգործական հիմնադրամն իր հիմնադրից զգալիորեն քիչ միջոցներ է ստացել, քան հայտարարվել էր: 2009 թվականից 2016 թ. մայիս Թրամփն ընդհանրապես ոչ մի անգամ փող չի ուղղել հիմնադրամին: տվյալները հաստատել է 188 բարեգործական կազմակերպությունների հարցումը, որոնք չեն հայտնել միլիարդատիրոջ անունից այլ մուտքերի մասին:
2,8 մլն դոլարը չի ներառում Թրամփի վերջին նվիրատվությունը ամերիկացի վետերանների համար: Պարբերականը նշում է, որ վետերանների օգնության կազմակերպությունը մայիսին թեկնածուից 1 մլն դոլար է ստացել: