YouTube վիդեոհոսթինգում հրապարակված տեսանյութերից մեկում ԱՄՆ նախագահի հանրապետական թեկածու Դոնալդ Թրամփը դեռևս 2014 թվականին հայտարարում է, որ անձամբ շփվել է Ռուսաստանի նախագահ Վլադիմիր Պուտինի հետ՝ հայտնում է The Hill-ը։
Պարբերականը հիշեցնում է, որ վերջերս մամլո ասուլիսի ժամանակ Թրամփը հայտարարել էր, որ ինքը երբեք չի շփվել Պուտինի հետ։
Այդուհանդերձ տեսագրությունում Թրամփն ասում է, որ ինքը շփվել է Պուտինի հետ «միջնորդի միջոցով և անմիջական»։
Այդ ժամանակ միլիարդատերը նշել է, որ իրեն դուր է գալիս շփումը ռուս առաջնորդի հետ։ Թրամփն ասել է, որ դա տեղի է ունեցել Մոսկվայում 2013 թվականին՝ «Միսս Տիեզերք» մրցույթի անցկացման ժամանակ։