ԱՄՆ ՀԴԲ-ն հետաքննում է Դեմոկրատական կուսակցության Կոնգրեսի ընտրությունների հարցերով կոմիտեն կոտրելու փորձը, որը կարող է կապված լինել դեմոկրատների ազգային կոմիտեի անդամների էլեկտրոնային փոստի սերվերները կոտրելու հետ: Այս մասին հայտնում է Reuters-ը՝ հղում անելով իրավիճակին ծանոթ 4 աղբյուրի:
Աղբյուրների տեղեկացմամբ՝ կոտրելու փորձը կարող էր կապված լինել կուսակցության դոնորների մասին տեղեկություն ստանալու փորձի հետ, ոչ թե դրամական միջոցների գողության նպատակով արված լիներ:
Կոմիտեն զբաղվում է կոնգրեսի ներկայացուցիչների պալատում առաջադրված դեմոկրատ թեկնածուների նախընտրական արշավի համար միջոցների հավաքագրմամբ:
Միաժամանակ, երկու աղբյուր գործակալությանն ասել են, որ տեղեկատվական ներխուժումը կարող էր այս տարվա հունիսին սկսված լինել: Աղբյուրների տեղեկությամբ՝ գրանցվել է կոմիտեում միջոցների փոխանց ման համար հիմնական կայքի նմանակ, որոշ ժամանակ նվիրատվությունների ամբողջ ինտերնետ-թրաֆիկն անցել է այդ ոչ իսկական կայքին՝ նվիրատվությունների մշակման արշավին անցնելու փոխարեն:
Աղբյուրները նաև նշում են, որ կեղծ կայքի IP-հասցեն նման է եղել նրանցից մեկին, որն օգտագործել է ԱՄՆ դեմոկրատական կուսակցության ազգային կոմիտեի սերվերները կոտրելու համար կասկածվող ցանցահենների խումբը:
WikiLeaks կայքը հրապարակել է Դեմոկրատական կուսակցության ազգային կոմիտեի էլեկտրոնային նամակագրությունը:
Հրապարակված փաստաթղթերից հետևում է, որ կուսակցական ապարատը փրայմերիզի ժամանակ բացահայտորեն աջակցել է Հիլարի Քլինթոնին՝ ի վնաս Բերնի Սանդերսի: Ավելի ուշ մի շարք դեմոկրատներ, ներառյալ՝ երկրի նախագահ Բարաք Օբաման, չեն բացառել ցանցահենների կապը ռուսական իշխանությունների հետ: