«Վերջին 12 օրը ողջ հայությունն ապրում է տագնապալի, պայթյունավտանգ շրջան՝ հղի ծանր հետևանքներով»,- «Առաջին լրատվական»-ի հետ զրույցում ասաց ազատամարտիկ Սմբատ Հակոբյանը:
Նրա խոսքով՝ իհարկե, կան հսկայական չլուծված խնդիրներ, սակայն մեր հանրապետությունում երբևէ չի եղել նման բան. «Մենք միանշանակ գտնվում ենք քաղաքացիական պատերազմի շեմին, և պատկերացնո՞ւմ եք՝ ինչ հետևանքներ կարող է դա ունենալ: Երբեք հայի համար եղբայրասպան պատերազմը արդյունավետ չի եղել: Արդյունքում ունեցել ենք կորսված հայրենիք, հարյուր հազարավոր գաղթականներ: Աստված մի արասցե, այս ամենը հանգի դրան»:
Սմբատ Հակոբյանը բոլորին կոչ արեց այս վիճակից խաղաղ ճանապարհով դուրս գալ. «Իմ կարծիքով՝ հանրությունը դա պետք է պարտադրի երկու կողմերին էլ»:
Ազատամարտիկը կարծում է, որ այդ ծայրահեղ գործողությունների արդյունքում փաստի առաջ են կանգնած ոչ թե իշխանությունները, այլ հայրենիքն ու պետականությունը. «Ուստի մենք պարտավոր ենք ազգովի այս ամենից դուրս գալ առանց ցնցումների»:
Մանրամասները՝ տեսանյութում:
