«Ոստիկանությունը հայտարարություն էր տարածել, որ այդ հատվածում հանրահավաք թույլատրված չէ կապված քաղաքացիների անվտանգության հետ։ Մնացած այլ մանրամասն ես չեմ կարող այս պահին ասել»,-«Առաջին լրատվական»-ի հետ զրույցում ասաց Երևանի ոստիկանապետ Աշոտ Կարապետյանը՝ անդրադառնոլով մեր այն հարցին, թե ինչով էր պայմանավորված ոստիկանական երեկվա գործողությունները, երբ առանց պատճառի անձանց բերման էին ենթարկում Խորենացի փողոցից։ Կարապետյանը չբացառեց, որ այսօր էլ կարող են նման գործողություններ լինել։ «Կախված իրավիճակից գնահատական կտրվի»,-ասաց նա։
Կարապետյանը չցանկացավ պատասխանել հարցին, թե ընդունո՞ւմ է, որ ոստիկանության վարկանիշն այս օրերին անհամեմատ ընկել է։ Նա դա պարզապես գնահատական համարեց։ «Ընդամենը կարող եմ ասել, որ ոստիկան է զոհվել, մյուսը ծայրահեղ վիրավոր է։ Ոստիկանները ըստ իրավիճակի ժողովրդի կողքին կանգնած են»,-հավելեց Կարապետյանը։
