Թուրքական Son dakika լրատվական կայքի փոխանցմամբ՝ Անկարայում մեկնարկում է Բարձրագույն ռազմական խորհրդի (YAŞ) տարեկան նիստը, որը երկրում իրականացված ռազմական հեղաշրջման փորձի պատճառով անցկացվում է պլանավորված ժամկետից մի փոքր շուտ:
Ընդգծվում է, որ YAŞ-ի նիստն առաջին անգամ անցկացվում է ոչ թե Գլխավոր շտաբի շենքում, այլ վարչապետի նստավայրում: Նիստը ղեկավարելու է Թուրքիայի վարչապետ Բինալի Յըլդըրըմը:
YAŞ-ի նիստի մեկնարկից առաջ նրա անդամները, ավանդույթի համաձայն, այցելել են Անըթքաբիր՝ Թուրքիայի Հանրապետության հիմնադիր Մուսթաֆա Քեմալ Աթաթուրքի դամբարան:
Բինալի Յըլդըրըմն Անըթքաբիրի գրառումների տետրում հուլիսի 15-ին Թուրքիայում ռազմական հեղաշրջման ձախողումը որակել է որպես երկրորդ «ազատագրական պատերազմում» (քեմալական շարժման) տարած հաղթանակ:
«Անկասկած է, որ մեր պետությունը, մեր ազգն ու մեր երկիրը անքակտելի են, և մենք պետք է վերացնենք ահաբեկչական բոլոր խմբավորումները: Թուրքիայի Հանրապետությունը հավերժ գոյատևելու է»,ժ- ասել է նա:
