ԴԱԻՇ-ի առաջնորդներն իրենց ջանքերը ներկայումս կենտրոնացրել են ամերիկացիներին հայրենիքում ահաբեկչություններ իրականացնելու դրդելու վրա: TASS-ի հաղորդմամբ՝ այս մասին ԱՄՆ Ասպեն քաղաքում ելույթի ժամանակ հայտարարել է ԱՄՆ ազգային անվտանգության նախարար Ջեյ Ջոնսոնը:
Նա վստահություն է հայտնել, որ խմբավորումն ակտիվացրել է ԱՄՆ բնակիչներին այդպիսի հարձակումների դրդելու փորձերը: Ջոնսոնը նշել է, որ «ԴԱԻՇ-ի համար կենտրոնական առաջադրանք է մարդկանց դրդելը, որ նրանք մնան հայրենիքում և ահաբեկչություններ իրականացնեն»: «ԴԱԻՇ-ի համար դա ավելի էժան է և պակաս ռիսկային, քան եթե նրանք ինչ-որ մեկին ուղարկեին մեր սահմաններով»,- նշել է նախարարը:
Սրա հետ կապված՝ Ջոնսոնը համաքաղաքացիներին զգոնության կոչ է արել: Նախարարը նշել է, որ ԵՄ-ի նկատմամբ ԴԱԻՇ-ը այլ ռազմավարություն է ընտրել: «Ինչ վերաբերում է Արևմտյան Եվրոպային, իրավիճակը փոքր-ինչ այլ է,- ասլ է նա:- Այն տարածքով ավելի մոտ է Իրաքին և Սիրիային, այնտեղ (Արևմտյան Եվրոպայում) գործերն այլ են»:
