Ինչպես արդեն հայտնի է, երեկ առավոտից Խորենացու փողոցից մարդկանց անհայտ պատճառներով բերման են ենթարկում:
Փաստաբան Գևորգ Գյոզալյանը «Առաջին» լրատվական»-ի հետ զրույցում գնահատելով այդ ամենը՝ հարցը պայմանականորեն բաժանեց 2 մասի՝ իրավակարգավորում, որը գոյություն Հայաստանում, և իրավաընկալում, որը քաղաքացիների մոտ տպավորություն է ստեղծում արդարության սոցիալական հավասարության հետ կապված:
Նրա խոսքով՝ ակնհայտ է, որ մարդիկ ձերբակալվում են անհիմն, բացարձակապես անհասկանալի պատճառներով՝ միայն այնտեղ գտնվելու համար. «Սա հակաօրինական է: Սակայն պետության և հասարակության միջև անջրպետն այնքան մեծ է, որ իրավակարգավորումն ու իրավաընկալումը միմյանց չեն համընկնում, և արդյունքում հասարակությունը շատ լոյալ է վերաբերվում այս ամենին»:
Գևորգ Գյոզալյանը վիճահարույց է համարում նաև բժիշկներին պատանդ պահելու տեղեկութոյւնները, քանզի տղաները հաղորդագրություն են տարածել, որ իրենք այդպես են վարվել ընդամենը բուժօգնություն ստանալու իրենց իրավունքի համար. «Թեև իրավակարգավորման շրջանակում դա համարվում է պատանդ»:
Ինչ վերաբերում է ձերբակալվածներին, մեր զրուցակիցը հույս հայտնեց, որ Հանրային պաշտպանի գրասենյակը ի զորու կլինի իրականացնելու այն առաքելությունը, որը դրված է իր ուսերին:
«Այս ամենը այն գոլորշին է, որը կուտակվել է հասարակության մեջ, և սրա մեղքի մեծ բաժինը դատական համակարգինն է: Այսինքն՝ իրավական պետություն դառնալուց հետո իշխանությունները որևէ հետևություն չեն արել: Իսկ քանի որ իշխանությոնը շրջապատված է ծառայամիտ մարդկանցով, ուստի անիմաստ է ակնկալիքներ ունենալ»,- ընդգծեց փաստաբանը:
Մանրամասները՝ տեսանյութում: