Ոստիկանությունը այսօր փաստացի խոչընդոտում է մեր ազատ հավաքներ անցկացնելու իրավունքը և սահմանափակել է մեր հնարավորությունները, քանի որ հավաքի կազմակերպիչներն են արդեն ձերբակալվել»,-Ազատության հրապարակում «Առաջին լրատվական»-ի հետ զրույցում ասաց ԱԺ «Ժառանգություն» խմբակցության պատգամավոր Զարուհի Փոստանջյանը։ Վերջինիս խոսքով ոստիկանական գործողությունները միտված են նրան, որ հավաքը չկազմակերպվի և տեղի չունենա, դրա համար էլ հիմնականում թիրախավորել և ձերբակալել են հավաքի կազմակերպիչներին։
Զարուհի Փոստանջյանի խոսքով ոստիկանությունն ու Ազգային անվտանգությունն այս օրերին փաստացի հարձակվել է ժողովրդի վրա, ժողովրդի հետ խոսում է ուժի լեզվով, որը ընդունելի չէ։ «Միևնույն է, այն ինչ իրենք անում են, չի նշանակում, որ հանրությունը համակերպվելէ դրա հետ։ Ապստամբությունը սկսված է, մասնակիցները ավելանալու են հանրապետության ամբողջ տարածքում, ինչից հետո իշխանություններն այլևս չեն կարողանալու ճնշել»,-նկատեց Փոստանջյանը՝ հավելելով, որ ստեղծված իրավիճակում միակ ելքն այն է, որ Սերժ Սարգսյանը հեռանա։
Առավել մանրամասն՝ տեսանյութում
