Թուրքական Anadolu լրատվական գործակալության փոխանցմամբ՝ Թուրքիայի արդարադատության նախարար Բեքիր Բոզդաղը հայտարարել է, որ ռազմական հեղաշրջման ու Ֆեթհուլլահ Գյուլենի ենթադրյալ համակիրների մոտ հայտնաբերված մեկ դոլարանոց թղթադրամները կրում են քողարկված իմաստ:
Ոստիկանությունը նրանց ձերբակալման ժամանակ առգրավել է մեծ քանակությամբ մեկ դոլարանոց թղթադրամներ: Քննիչների կարծիքով՝ թղթադրամի տառերի ու թվերի համակցությունը հստակեցնում է մարդու դիրքը գյուլենական գաղտնի կազմակերպության մեջ:
Այդպիսով, F տառը նշանակում է հիերարխիայում բարձրագույն դիրք, իսկ ավելի ցածր դիրք ունեցող խռովարարների մոտ հայտնաբերվել են J և C տառերով թղթադրամները:
Թուրքական մամուլը կարծում է, որ Գյուլենը թղթադրամների միջոցով որոշակի ուղերձներ է հղել Թուրքիա:
