Ռումինիայի ազգային բանկը երեքշաբթի Թիսմանայում բացել է Ոսկու պահուստի թանգարան: Այս մասին հայտնում է Agerpres գործակալությունը:
Թանգարանը տեղավորվել է քարանձավում, որը 1944-1947 թթ. օգոստոսի 23-ին Բուխարեստ մտած խորհրդային բանակից ռումինական իշխանությունների թաքցրած ավելի քան 200 տոնա ոսկու գաղտնի պահոց է ծառայել:
Թանգարանը կառուցվել է մոտ 3 տարի և արժեցել է մոտ 2 մլն լեյ (445 000 եվրո):
1944 թ. սեպտեմբերին Ռումինիայի ազգային բանկի խորհուրդը որոշում է ընդունել ոսկու պահուստը թաքցնել Թիսմանայի վանքի մերձակա քարանձավում: Պահպանությունն ապահովել են Ռումինիայի «Նեպտուն» ջոկատի զինվորները, ուստի ամբողջ գործողությունը այդ անվանումն է ստացել: Ոսկին քարանձավում պահվել է մինչև 1947 թ. փետրվար:
Թանգարանը կոչված է հանրությանը ծանոթացնելու «Նեպտուն» գործողությանը: Այնտեղ ներկայացված են 1944-1947 թթ. պատմական ժամանակահատվածի մասին պատմող նմուշներ Ռումինիայի ազգային բանկի փաստաթղթերի հիման վրա: Թանգարանում կանցկացվեն սիմպոզիումներ, սեմինարներ, համազրույցներ:
Ռումինիայի ազգային բանկի տվյալներով՝ կենտրոնական բանկի ոսկու պահուստը 2016 թ. հուլիսի 1-ի դրությամբ կազմել է 103,7 տոննա՝ 3,944 մլրդ եվրո արժողությամբ:
