Սարի թաղի բնակիչները «Առաջին լրատվական»-ին պատմեցին, որ երեկոյան լսել են կրակոցներ և շատ վախեցել են՝ հատկապես երեխաները:
«Էս լարվածությունը լավ հետևանքներ չի ունենա, եթե շարունակվի: Ցանկանում եմ, որ էս ամենը շուտ ավարտվի»,- ասաց բնակիչներից մեկը՝ իշխանություններին հորդորելով սթափ մտածել, այնպես անել, որ արյուն չթափվի:
«10-րդ օրն է՝ մենք ապրում ենք շատ ահաբեկված, չենք կարողանում փողոց դուրս գալ, իսկ ոստիկանները իրենց հագուստով հատկապես վախեցնում են երեխաներին»,- ասաց մեկ այլ սարիթաղցի:
«Վերջ, պրծավ, էլի, խորհուրդ կտամ, որ հանձնվեն: Տուժում է մեր ժողովուրդը»,- ասաց մի տղամարդ:
Բնակիչներից մեկն էլ նշեց, որ իրենք մտահոգված են և՛ «Սասնա ծռեր» տղաների, և՛ ոստիկանության համար. «Ընդդիմությունից ես շատ դժգոհ եմ: Ո՞ւր էին, կարծես հոտը մնացել էր առանց հովիվ, իսկ աթոռը նվեր չեն ստանում, աթոռը ստանալու համար պետք է ժողովրդի հետ պայքարեին»: