ՀՀ ոստիկանության ՊՊԾ գնդում գտնվող զինված անձանց շրջանում երկու վիրավոր կա: Ինչպես լրագրողների հետ զրույցում նշել է Հիմնադիր խորհրդարանի անդամ Ալեք Ենիգոմշյանը: «Ուրիշ վիրավորներ չկան, մեկ վիրավորը նախկինից մնացած է, մյուսը նոր է, ունի թեթև վնասվածք: Ներսում գտնվող տղաները տիրապետում են իրավիճակին»,-ասաց Ա լեք Ենիգոմշյանը:
Նա փոխանցեց ՊՊԾ գնդում գտնվողների ակնկալիքները: Առաջինը վերաբերում է տեղում բժշկական բրիգադի հերթափոխով աշխատանք իրականացնելուն: «Ներսում ներկա բժիշկները պատանդ չեն: Տղաները հերթափոխի ապահովման պահանջ են դրել:
Ուժի գործադրմամբ պահելու խնդիր չկա, նրանք կարող են դուրս գալ և բրիգադները միմյանց փոխարինեն»,-ասաց Ալեք Ենիգոմշյանը:
Երկրորդը վերաբերում է Ազգային ժողովի պատգամավորներին: Այն է` դիմեն ուժային կառույցներին և գնան, հանդիպեն ՊՊԾ գնդում զինված անձանց հետ:
Լուսանկարը` PAN Photo-ի