«Ապրիլյան ճգնաժամի, այս օրերի իրադարձությունների հիմքում ընկած են մի շարք խնդիրներ։ Մեր երկիրը չի զարգանում և դա միանշանակ է»,-«Առաջին լրատվական»-ի հետ զրույցում ասաց տնտեսագետ, ԿԲ նախկին նախագահ Բագրատ Ասատրյանը։ Նրա խոսքով անկախ այն թվերից, որոնք ներկայացնում է ԱՎԾ մեր երկիրը պարբերաբար հետընթաց է արձանագրում, իսկ ներկայացվող պաշտոնական թվերը պարզապես գրագրություն է, որից բավականություն են ստանում մի քանի պաշտոնյաներ։
«Հասարակությունը տնտեսական աճը, տնտեսական ակտիվությունը, ներկայացվող դրական տեղաշարժերը չի զգում։ Անընդհատ արձանագրվում է աղքատություն, կուտակվում են սոցիալական խնդիրներ, շարունակվող արտագաղթ, որը ամենավառ ապացույցն է, որ մեր երկրում վիճակն այնքան էլ լավ չէ։ Եվ սա այն ֆոնն է, որի վրա դժգոհությունները այս կամ այն արտահայտությունն են ստանում»,-հավելեց Ասատրյանը։ Ամեն դեպքում, Ասատրյանն արտառոց է որակում զինված խմբի գործողությունները։ «Բայց այստեղ մեղավորը միանշանակ իշխանությունն է։ Սերժ Սարգսյանը քայլ առ քայլ բերեց և այս վիճակին հանգեցրեց»,-նկատեց Ասատրյանը։
Վերջինիս դիտարկմամբ իշխանույունն այդպես էլ որևէ դաս չքաղեց ապրիլյան դեպքերից և սխալները գնալով հաջորդում են մեկը մյուսին։ «Պաշտոնյաները շարունակում են զինվորի բերանից կտրած գումարներով առանձնատներ կառուցել։ Այդպես էլ մենք ականատես չեղանո մեկ-երկու կոռումպացված նախարարի ազատման։ Այս ամենը վկայում է, որ ցանկություն չկա գնալ փոփոխությունների։ «Ես կարծում եմ այսօրվա պաշտոնայները ինքնաբավարարված են։ Նրանք Սերժ Սարգսյանի առաջ խոնարհվողներ են, որոնց գիտելիքների պաշարը բնավ կարևոր չէ»,-ասաց մեր զրուցակիցը։
Առավել մանրամասն՝ տեսանյութում
