France Presse լրատվական գործակալության փոխանցմամբ՝ Թուրքիայի իշխանություններն արտոնել են նախկինում ընդդիմադիր Zaman թերթի 47 նախկին աշխատակիցներին կալանքի տակ վերցնելը:
Որոշումն առնչվում է թերթի նախկին ղեկավարներին ու աշխատակիցներին, այդ թվում նաև խմբագրական հոդվածների հեղինակներին: Թուրքիայի իշխանությունների կարծիքով՝ Zaman թերթը վերածվել էր իսլամական ընդդիմադիր գործիչ Ֆեթհուլլահ Գյուլենի խոսափողի, որին ներկայումս մեղադրում են օրեր առաջ Թուրքիայում կատարված ռազմական հեղաշրջման փորձի կազմակերպման համար:
Երկուշաբթի էլ Թուրքիայում արտոնվել էր առնվազն 42 լրագրողի կալանքի տակ առնելը, որոնց կասկածում են պետական հեղաշրջման փորձին մասնակից լինելու համար: