«Որևէ մեկը որևէ մեկին մենակ չի թողել»,-անդրադառնալով երեկվա հանրահավաքի ավարտին «Առաջին լրատվական»-ի հետ զրույցում ասաց ԱԻՄ առաջնորդ Պարույր Հայրիկյանը։ Վերջինիս խոսքով հանրահավաքի առաջին պահից մինչև վերջին պահը խորհրդի անդամներից եղել են ժողովրդի կողքին։ «Եթե Երևանի որևէ հատվածում ինչ որ բան պատահի, խորհուրդը պատասխանատու չէ։ Խորհուրդը պատասխանատու է իր արած կոչերի համար։ Այնպես որ լավ է, որ քննադատություն կա, բայց ես դրանից չեմ վախենում։ Ես ամենակարևոր բանն եմ արել, որ ժողովրդին հորդորել եմ գնալ տուն և հաջոևդ օրը նորից գալ»,-ասաց Հայրիկյանը։
Նրա խոսքով խորհուրդը հանրահավաքի մասնակիցներից չպետք է պահանջի պարտիզանական պահվածք, մարդիկ պետք է գնան տուն և հաջոևդ օրը թարմ ուժերով կրկին հավաքվեն։ «Գիշերը մնալու մասին խոսք չի եղել խորհրդի անդամների մոտ։ Որևէ մեկի մոտ նման առաջարի չի եղել։ Մեզ մոտ որոշում կար տեղում քննարկել և որոշում կայացնել։ Անգամ, երբ ես առաջարկեցի քննարկել, շատերը համաձայնեցին, միայն մեկ երկու հոգի կոպիտ արտահայտվեց, բայց դա նորմալ է»,-ասաց Հայրիկյանը։
Նրա խոսքով ինքը կռահում էր, որ ոստիկանությունը գնալու էր բռնարարքների, հետևաբար պետք էր մաքսիմում աչալուրջ լինել և պատասխանատու լինել հասարակության համար, որը դուրս էր եկել փողոց։ «Հավաքված մարդկանց անորոշության մեջ չպետք էր թողնել։ Դրա համար ես դիմեցի ժողովրդին և հարցրեցի, թե ինչ են ուզում։ Իրենք էլ որոշեցին։ Եթե մենք ժողովրդին կոչ արեցիքն գնալ տուն, և տուն գնալու ճանապարհին ինչ որ բան պատահեր, մենք դրա համար պատասխանատու չէինք»,-նկատեց Հայրիկյանը՝ չհամաձայնելով, որ եթե հանրահավաքի մասնակիցներից շատերը մնացել էին Խորենացի փողոցում, պետք էր խորհրդի անդամները ևս մնայինյ այնտեղ։
Առավել մանրամասն՝ տեսանյութում
