Հանրապետական Դոնալդ Թրամփի՝ ԱՄՆ նախագահ հնարավոր ընտրվելը «նվեր» կլինի Ռուսաստանի նախագահ Վլադիմիր Պուտինին: RIA Novosti-ի հաղորդմամբ՝ այս մասին Դեմոկրատական կուսակցության համագումարում հայտարարել է ԱՄՆ նախկին պետքարտուղար Մադլեն Օլբրայթը:
«Ճշմարտությունն այն է, որ Թրամփին հաղթանակը նոյեմբերին նվեր կլիներ Վլադիմիր Պուտինի համար: Հաշվի առնելով այն, թե մենք ինչ ենք իմացել Ռուսաստանի վերջին գործողությունների մասին՝ Պուտինը շատ է ուզում Թրամփին հաղթող տեսնել: Դա պետք է անհանգստացնի յուրաքանչյուր ամերիկացու»,- ասել է Օլբրայթը:
«Հավատացեք մարդուն, որը փախել է «երկաթե վարագույրից»: Ես գիտեմ՝ ինչ է տեղի ունենում, եթե ռուսներին «կանաչ լույս» է տրվում»,- հայտարարել է նախկին պետքարտուղարը:
«Շատերը պնդել են, որ Դոնալդ Թրամփը կվնասի մեր ազգային անվտանգությանը, եթե նախագահ ընտրվի: Իրականում նա արդեն վնաս հասցրել է նրանով, որ առաջադրվում է»,- նշել է Օլբրայթը: