TASS-ի փոխանցմամբ` Ֆրանսիայի նախագահ Ֆրանսուա Օլանդը չեղյալ է հայտարարել չորեքշաբթի օրը նախատեսված Չեխիա այցը՝ Ռուանի եկեղեցում տեղի ունեցած ահաբեկչության պատճառով: Այդ մասին հայտնել են Ելիսեյան պալատում:
Ավելի վաղ պլանավորվել էր, որ հուլիսի 27-ին Օլանդը պետք է այցելեր Չեխիա` ԵՄ բարեփոխումների հարցերը քննարկելու համար: Նա պետք է հանդիպեր Չեխիայի նախագահ Միլոշ Զեմանի և վարչապետ Բոգոսլավ Սոբոտկոյի հետ:
Ֆրանսիայի նախագահն արդեն երկրորդ անգամ է չեղյալ հայտարարում Պրահա այցը: Նրա առաջին այցը պլանավորված է եղել հուլիսի 20-ին, սակայն հարկ է եղել այն հետաձգել Նիսի ահաբեկչության պատճառով: