«Լուսավոր Հայաստանը» առաջին օրվանից եղել է Խորենացի փողոցում։ Մեր գլխավոր նպատակը այն է, որ մենք դեմ ենք այս խնդրի բռնության միջոցով լուծվամը։ Այստեղ մեր գտնվելու գլխավոր հիմքն այն է, որ կանխվի արյունահեղությունը։ Մենք բազմիցս նշել ենք, որ քաղաքականության մեջ կողմ ենք քաղաքական մեթոդներով խնդրիրների լուծմանը»,-«Առաջին լրատվական»-ի հետ զրույցում ասաց «Լուսավոր Հայաստան»-ի անդամ Հայկ Կոնջորյանը։ Վերջինիս խոսքով իշխանությունները պետք է գնան բանակցությունների, կատարեն առաջին քայլը և խնդիրը լուծեն խաղաղ ճանապարհով, սակայն ոստիկանության գործողությունները, ապօրինի ձերբակալությունները խնդիրն ավելի են հեռացնում խաղաղ կարգավորումից։
Կոնջորյանի խոսքով, եթե տարիներ շարունակ Հայաստանում սպառվում են խաղաղ ճանապարհով, արդար ընտրություններով իշխանափոխություն իրականացնելու ճանապարհներ, գտնվում են մարդիկ, որ դիմում են զենքի։ «Բայց ստեղծված իրավիճակում իշխանությունը պետք է ավելի խոհեմ գտնվի և հարցը լուծվի խաղաղ ճանապարհով»,-նկատեց Կոնջորյանը։
Առավել մանրամասն՝ տեսանյութում