«Հայ ազգը ցույց տվեց, որ կամային է, ապրելու է ու հաղթելու է, եթե նման բան չլիներ, ամիսներ, տարիներ հետո ամաչելու էինք իրար աչքերի մեջ նայելուց»,-այս մասին Խորենացի փողոցում, հարթակում ելույթ ունենալով՝ նշեց «Հայազն» կուսակցության անդամ Արմեն Հովհաննիսյանը:
Հովհաննիսյնաի խոսքով միշտ էլ լինում են հերոսներ, որոնք իրանց կյանքի ու ընտանիքի մասին չեն մտածում, այլ իրենց համար առաջնային է հայրենիքը.
«Տարածքների հարցը մեր ազգի, մեր լինելության հարցն է, հազարամյակներով տարբեր ասպատակներ բռնության ու դավաճանության շնորհիվ մեր կենսական տարածքներից, մեր հայրենիքից մեզ քշել են, կարծես թե ժամանակի հարց էր նաեւ մեզ այստեղից հանելը ու հայկական հարցը ընդմիշտ փակելը»,-ասաց նա՝ հավելելով, որ թույլ չեն տալու նման բան: