«Ես կիսում եմ այն բոլոր պահանջները, որոնք մեր հայրենակիցները դնում են այսօր։ Սա լավ օրից չէ, որ տեղի է ունեցել այս ամենը։ Հիմա պահն է, որ ժողովուրդը ոտքի կանգնի և տեր լինի իր իրավունքներին»,-Խորենացի փողոցի հանրահավաքի ժամանակ «Առաջին լրատվական»-ի հետ զրույցում ասաց «Ժառանգություն» կուսակցության նախագան Րաֆֆի Հովհաննիսյանը։
Վերջինս ասաց, որ Սերժ Սարգսյանը պետք է վայր դնի լիազորությունները, զինաթափվի և նոր նստի տղաների և համաքաղաքացիենրի հետ երկխոսության։ Այսօրվա վիճակը շարունակությունն է այն վիճակի, որ հինգ տարի առաջ ընտրությունները կեղծվեցին»,-հավելեց Հովհաննիսյանը։
«Ժառանգության» առաջնորդի խոսքով ստեղծված իրավիճակում ելքն այն է, որ ժողովուրդը պետք է շարունակի զորակից լինել տղաներին, որոնք առաջադրում են հասարակության մեծամասնության կարծիքը։ Մնացածը պարզ կլինի։ «Եթե իշխանությունը վայր չդնի զենքերը, ապա կլինի այրունահեղության ճանապարհով հեղաշրջում, որը ցանկալի տարբերակ չի»,-նկատեց Հովհաննիսյանը՝ հավելելով, որ իրապես Հայաստանում արդեն սպառվել էին պայքարի բոլոր միջոցները, ինչի արդյունքում էլ տղաները դիմեցին զենքին։
Առավել մանրամասն՝ տեսանյութում
