«Այս օրերին տեղի ունեցողը հոգեբանական գործընթաց է։ Առաջին հերթին փորձում են ճնշել հանրությանը, հետո նաև խմբի տղաներին»,-«Առաջին լրատվական»-ի հետ զրույցում ասաց «ժողովրդավարական հայրենիք» կուսակցության նախագահ Պետրս Մակեյանը։
Նրա խոսքով՝ իշխանությունների կողմից այս օրերին փորձ է արվում նաև լրատվամիջոցներով տարածել, որ զինված խմբի տղաները սխալ են։ «Իշխանությունը փորձում է մի կողմից ցույց տալ, որ ամեն ինչ անում է, որ իրավիճակը չտանի սրացման, խաղաղ ճանապարհով լուծի, սակայն մյուս կողմից ամեն ինչ անում է, սադրանքներ է գործի դնում, որ հասարակության և խմբի ներվերը չդիմանան։ Թե ինչ ելք կլինի, դեռ պարզ չէ»,-հավելեց Մակեյանը։
Ինչ վերաբերում է ոստիկանության կողմից տարածված ձայնագրությանը, որը ցույց էր տալիս զինված խմբի անդամների ներքին խոսակցությունները, ապա Մակեյանի խոսքով, դա մոնտաժված ձայնագրություն է, որով փորձ է արվում պառակտել տղաներին։ «Եթե դա անումէ իշխանությունը, ԱԱԾ-ն, ապա պետք չէ դա միանշանակ ընդունել»։
Մակեյանի խոսքով ստեղծված իրավիճակից ցանկացած ելք փակուղային կլինի իշխանության համար։ Անգամ մինիմալ կորուստներով ելքը։ «Իշխանությունը մի ելք ունի՝ գնալ զիջման»,-նկատեց մեր զրուցակիցը։
Առավել մանրամասն՝ տեսանյութում
