Անկախ նրանից, որ հայաստանյան իշխանությունները խոսում են տնտեսական աճից, Հայաստանում այս տարի գործազրկության և աղատության թիվն ավելի է մեծացել։ Թե ինչու ԱՎԾ-ի հրապարակված պաշտոնական թվերը չեն համապատասխանում իրական վիճակին, դժվար է ասել։ Տնտեսական մեկնաբան Հայկ Գևորգյանի խոսքով, պաշտոնական թվերով Հայաստանում 2009 թվականից սկսած Հայաստանում արձանագրվում է տնտեսական աճ, բայց նույն 2009-ից սկսած Հայաստանի համախառն ներքին արդյունքը դոլարով արտահայտված, գրեթե չի փոխվել։ «Այսինքն եթե մենք վերցնենք ԱՎԾ-ի հրապարակած թվերը, ապա մեր տնտեսությունը պետք է աճած լիներ 20 տոկոսով, բայց մենք տեսնում ենք իրականությունը»,-ասաց Գևորգյանը։
Նրա խոսքով իրականությանը չի համապատասխանում նաև գործազրկության վերաբերյալ թվերը։ «Դա ոչ թե գործազուրկների իրական թիվն է, այլ պաշտոնապես գրանցված գործազուրկների թիվն է, ովքեր գրանցվել են զբաղվածության կենտրոնում։ Իրականում գործազրկության թիվը շատ ավելի մեծ է, քանի որ մի կողմից կա գործազրկություն, որը չի արձանագրվում։ Իսկ գործխազրկությունն աճում է, քանի որ տնտեսությունը չի աճում»,-նկատեց Գևորգյանը։ Նրա խոսքով, եթե համադրենք ԱՎԾ-ի հրապարակած թվերը, ապա կտեսնենք, որ ոչ միայն աճումէ գործազրկությունը, այլև նվազում է զբաղվածների թիվը։ Այսինքն մարդիկ հեռանում են Հայաստանից։ Արդյունքում մենք ունենք նվազում և գործազրկության մասով, և աճում է աղքատությունն ու արտագաղթը։
Առավել մանրամասն՝ տեսանյութում