Իրանական IRNA լրատվական գործակալության փոխանցմամբ՝ Իրանը չի տեսնում իր ատոմային ոլորտի հետագա զարգացման խոչընդոտներ, իսկ ընթացիկ սահմանափակումները համարում է ժամանակավոր։
Այդ մասին հայտարարել է Իրանի ատոմային էներգիայի կազմակերպության պաշտոնական ներկայացուցիչ Բեհրուզ Քամալվանդին։ Նրա կարծիքով՝ ուրան հարստացնելու հարցում Իրանի համար չկա որևէ խոչընդոտ, ինչը երկրի օրինական իրավունքն է, որը պետք է պահպանվի.
«Իրանն ունի լավագույն մարդկային ռեսուրսներ, սակայն տևական տնտեսական պատժամիջոցների պատճառով նրա հնարավորությունները թուլացել են, երկիրը կարիք ունի գիտության ու տեխնիկայի զարգացման։
Իրանն իր միջուկային խնդրի շուրջ «վեցյակի» հետ բանակցությունների ժամանակ արել է մի շարք զիջումներ՝ իր միջուկային իրավունքների ապահովման դիմաց։ Բանակցային խումբն արել է ամեն հնարավոր բան, որպեսզի պաշտպանի երկրի ատոմային արդյունաբերությունը։
Իրանը չպետք է ունենա ռումբեր, երկիրն ընթանում է ռացիոնալ ճանապարհով և միջուկային ռումբի ստեղծումը չի գտնվում օրակարգում»։
