Ռուսական RIA Novosti լրատվական գործակալության փոխանցմամբ՝ Թուրքիայի դատախազությունը հետաքննելու է սոցցանցերում հայտնված հաղորդագրությունն այն փաստերի մասին, որ հեղաշրջման փորձը եղել է բեմադրված։
Այդ մասին տեղական ԶԼՄ-ների հետ զրույցում հայտարարել է Թուրքիայի արդարադատության նախարար Բեքիր Բոզդաղը. «Նայե՛ք մարդկանց, որոնք սոցցանցերում գրում են, որ դա թատրոն էր։
Դատախազությունն արդեն հետաքննում է դրանք։ Նրանց մեծ մասը դժբախտ են, որոնք կարծում են, թե Ֆեթուլլահ Գյուլենի համար մեռնելը պատվաբեր է։ Նրանք, ովքեր հայտարարում են հեղաշրջման բեմադրված բնույթի մասին, հավանաբար մասնակից են հեղաշրջմանը»։
Ավելի վաղ հաղորդվել էր, որ Թուրքիայում հեղաշրջումից հետո պաշտոնանկ է արվել ավելի քան 5000 բուժաշխատող։
