Գենետիկները բացահայտել են ՄԻԱՎ-ի նոր տեսակ, որն ընդունակ է մարդուց անցնել կապիկին և հակառակը, ինչով հաստատել են այդ վիրուսի առաջացման պատմությունը և նշել նրա «կապկային» տարբերակի հսկայական սպառնալիքը: Այդ մասին հոդվածը հրապարակված է Journal of Virology-ում:
Անցյալ դարի 80-ական թվականներին ՄԻԱՎ-ի հանկարծակի առաջացումը Աֆրիկայի երկրներում և նրա արագ տարածումը աշխարհում գիտնականներին ստիպեց մտածել դրա ծագման մասին: Ենթադրություններ եղան, որ այդ վիրուսի առաջին տարբերակների կրողները շիմպանզեներն են և մյուս պրիմատները, որոնք կարող են վարակած լինել Կոնգոյի և Աֆրիկայի այն երկրների բնակիչներին, որտեղ առաջին անգամ գտնվել է այդ վիրուսը:
Գիտնականների կողմից ՄԻԱՎ-ի նոր տեսակի հայտնագործումը բացահայտում է ոչ միայն ՄԻԱՎ-ի առաջացման պատմությունը, այլ խոսում է այն մեծ վտանգի մասին, որ իրենց մեջ կրում են կենդանիների քիչ ուսումնասիրված և անհայտ հիվանդությունները:
Փորձը ցույց է տալիս, որ դրանցից շատերը կարողանում են վարակել մարդկանց և առաջացնել համաճարակներ՝ նման Զիկայի տենդին:
Բացի այդ, հնարավոր է, որ կապիկների մեջ թաքնված են նաև ՄԻԱՎ-ի այլ տեսակների վիրուսներ, որոնք նմանատիպ կերպով կարող են տարածվել մարդկանց մեջ, ինչը այդ հիվանդության դեմ պատվաստուկի մշակումը դարձնում է էլ ավելի առաջնահերթ: