«Զինված գործողությունների հեղինակները գնում են դրան, քանի որ խնդիրների լուծման այլ տարբերակ չեն գտնում»,-«Առաջին լրատվական»-ի հետ զրույցում անդրադառնալով վերջին իրադարձություններին և առհասարակ ամբողջ աշխարհում ծավալվող ահաբեկչական գործողություններին նկատեց քաղաքագետ Աղասի Ենոքյանը։ Նրա խոսքով տարածաշրջանում աստիճանաբար Ռուսաստանի դերը նվազում է, ինչի արդյունքում նույն տարածաշրջանում ստեղծված իրավիճակները Ռուսաստանը փորձում է օգտագործել հօգուտ իր շահերին։
Ա.Ենոքյանն անդրադառնալով հակաահաբեկչական միասնական քաղաքականության ստեղծմանը ԵԱՏՄ տարածքում, նկատեց, որ նման տիպի գործողությունների հետ կապված կա երկու մոտեցում՝ երկարատև քննարկումներ, զինյալների պահանջների կատարում, զիջուներ, իսկ մյուսը՝ կոշտ քաղաքականությունը, որը եղավ Բեսլանում։ «Ռուսաստանը, ինչպես տեսանք կողմ է երկրորդ ճանապարհին։ Ռուսաստանը հիմա առաջ է քաշում նմանատիպ խնդիրներ, փորձելով նման տիպի ճգնաժամային իրավիճակների ժամանակ ինչպես պետք է վարվել, ինչ ինֆորմացիա տարածել և ինչպես հանգուցալուծել։ Ես սա վտանգավոր եմ համարում»,-ասաց Ենոքյանը։
Քաղաքագետն անդրադառնալով այս օրերի Երևանում տեղի ունեցող իրադարձություններին նկատեց, որ ՊՊԾ գնդի գրավումը պատահական չի համարում, քանի որ այնտեղ հսկայական քանակությամբ զենք կար։ Բայց խումբը շենքը գրավելուց հետո չպետք է սահմանափակվեր դրանով, պետք է ընդլայներ իր գործողությունները։ Նման մի փորձ առաջին օրերին եղավ, բայց կանխվեց։ Ենոքյանի խոսքով բանակցությունները լավագույն տարբերակն են, բայց այսօր հիմնական խնդիրն այն է, որ հանրության կողմից հեղինակություն վայելող անձիք են քիչ,որ ստանձնեն միջնորդի դեր։
Առավել մանրամասն՝ տեսանյութում