«Կարծում եմ, որ լուծումներ կգտնվեն, քանի որ միջնորդներ կան նրանք զիջումներ, լուծումներ կգտնեն և խնդիրը կլուծեն։ Իսկ վերջնագիրը նշանակում է արյունահեղություն»,-«Առաջին լրատվական»-ի հետ զրույցւոմ ասաց ԳԽ պատգամավոր Ազատ Արշակյանը։
Նրա խոսքով վերջնագիր չի կարելի ներկայացնել, հարկավոր է գնալ բանակցությունների, քանի որ իշխանափոխության պահանջի համար, ինչպես տեսանք, ռեսուրսները բավարար չեն։ Արշակյանի խոսքով, այս օրերին իշխանության հիմնական զիջումն այս օրերին չգրոհելն էր, որը կարող էր արյունահեղության հանգեցնել։ «Գրոհը ձեռնտու չէր իշխանությանը։ Գրոհը իշխանության վերջի սկիզբը կարող է լինել։ Բայց պետք է դուրս գալ այս իրավիճակից պակաս վնասներով։ Այս հարվածից հետո իշխանությունը կիորցնելու այլ բան չունի, դրա համար իրենց շահերից է բխում զիջումը, քանի որ իրենց հետագա գոյության հարցն է դրված»,-նկատեց Արշակյանը։
Ինչ վերաբերում է այս օրերին տարբեր քաղաքական ուժերի և անհատների կողմից հարթակն օգտագործելուն, ապա Արշակյանի խոսքով, դա քաղաքական ուժերի գործն է, նրանք պետք է լինեն այնտեղ, որտեղ քաղաքական օրակարգ է ձևավորվում։ Այլ հարց է, թե որքանովէ տեղին, կամ անտեղին նրանց գործողությունները։
Արշակյանը կարծում է, որ եթե այսօր Ասալայի մարտիկն այսօր Երևանում կոչ է անում հարթակից, ապա Ժիրայր Սեֆիլյանը նույնպես պետք է մասնակից լինի հանրահավաքներին։ Նրան պետք է բաց թողնել, որ գա և տեսնեն, թե նա ինչպես է հեղափոխություն անում։ «Եթե չեք վախենում, բաց թողեք նրան, թող գա և իր հանրահավաքն անի, իսկ եթե վախենում են, ապա պետք է հանձնվեն, քնաի որ նրանք են երկրի տերը»,-ասաց Արշակյանը։
Առավել մանրամասն՝ տեսանյութում
