«Կարծում եմ, բոլոր դեպքերում իրադարձությունների հանգուցալուծումը կլինի այն, որ կողմերը համաձայնության կգան և զենքը վայր կդնեն, քանի որ հետագա գործողությունները անիմաստ կլինեն: Կարևորը պատանդների ազատ արձակումն էր»,-«Առաջին լրատվական»-ի հետ զրույցում ասաց հոգեբան Սամվել Խուդոյանը՝ նկատելով, որ ստեղծված իրավիճակում կարևորը փոխհամաձայնության գալն է:
«Ես կարծում եմ ամեն ինչ կգնա դեպի մարում, զենքը վայր դնելու ճանապարհով: Ներքին համաձայնության պայմաններում նրանք զենքը վայր կդնեն»,-հավելեց մեր զրուցակիցը:
Հոգեբանի խոսքով զինված խումբը ինքնասպանության չի գնա: Ժողովուրդը նույնպես դա չի ուզում: Մնում է իշխանությունը չգնա սրումների, խոստումների, համաձայնությունների արդյունքում հարթեն ստեղծված իրավիճակը:
Հոգեբանի խոսքով իրավիճակն ավելի սրվեց ոստիկանական ագրեսիվ գործողությունների արդյունքում: «Այդ ագրեսիան տասնապատիկ սրեց վիճակը և մարդկանց փողոց հանեց: Կեղծ լուրերը նույնպես լարվածության սրման պատճառ էին դառնում: Սակայն բոլոր դեպքերում պետք է գնալ խաղաղ ճանապարհով խնդրի կարգավորման»,-հավելեց Խուդոյանը
