Նյու Յորքի նախկին քաղաքապետ Մայքլ Բլումբերգը հուլիսի 27-ին Ֆիլադելֆիա քաղաքում (Փենսիլվանիա նահանգ) կայանալիք դեմոկրատական կուսակցության ազգային համագումարում հանդես կգա ԱՄՆ նախկին պետքարտուղար և նախագահի թեկնածու Հիլարի Քլինթոնի աջակցությամբ: Այդ մասին The New York Times-ի լրագրողներին հայտնել է Բլումբերգի խորհրդատու Գովարդ Վոլֆսոնը:
Ինչպես նշում է պարբերականը՝ «Բլումբերգի այդ քայլն անսպասելի է եղել, քանի որ նա 2000 թվականից դեմոկրատական կուսակցության անդամ չէ, Նյու Յորքի քաղաքապետ ընտրվել է հանրապետականների կողմից, իսկ ավելի ուշ դարձել է անկախ»: Հոդվածում նշված է, որ նա մտադիր է աջակցել Քլինթոնին, քանի որ չի ցանկանում, որ հաղթի իր գլխավոր մրցակից Դոնալդ Թրամփը:
Պարբերականը հաստատում է, որ «Բլումբերգն ու Քլինթոնը մոտ ծանոթ չեն, սակայն նրանց միջև ձևավորվել է դրական աշխատանքային հարաբերություն, երբ նա եղել է քաղաքապետ, իսկ Քլինթոնը՝ սենատոր Նյու Յորքից»:
