Գլոբալիզացիայի և տարածաշրջանային համագործակցության վերլուծական կենտրոնի տնօրեն Ստեփան Գրիգորյանը Հայաստանում ստեղծված ճգնաժամային իրավիճակը համարում է հետևանքն այն բանի, որ Հայաստանում չեն անցկացվում արդար ընտրություններ, չի գործում արդարադատության համակարգը, առկա են մարդկանց մշտական դժգոհություններ ու հիասթափություններ և ի վերջո՝ Ղարաբաղյան պատերազմը, որի ժամանակ ունեցանք տարածքային կորուստներ:
«Այս գործողությունները ապացուցեցին, որ ապրիլյան պատերազմից հետո իշխանությունները ոչ մի եզրակացության չհանգեցին, դասեր չքաղեցին»,- «Առաջին լրատվական»-ի հետ զրույցում ասաց Ստեփան Գրիգորյանը:
Նրա խոսքով՝ ուստի կարելի է հասկանալ այն մարդկանց, ովքեր գնացին այս ծայրահեղական ճանապարհով. «Այսինքն՝ այս ամենը օրինաչափ էր: Ընտրություններից 10 ամիս առաջ իշխանություններն ամեն օր ասում են՝ մեր դեմ խաղ չկա: Պարզ է, որ այս տեղեկատվական ահաբեկչության պատասխանը պետք է լինի ուժային, ինչի համար ես, իհարկե, ցավում եմ: Կարծես իշխանությունները միտումնավոր են սրում իրավիճակը»:
Ստեփան Գրիգորյանի համոզմամբ՝ իշխանությունների կողմից բռնի ուժի կիրառումը մեծացնում է լարվածությունը. «Իհարկե, ես այս ամենը կապում եմ նաև մեծ խաղացողների հետաքրքրությունների հետ: Պարզ է, որ մեզ համար շատ զգայուն է ԼՂ հարցը, և իշխանությունները միշտ չէ, որ թափանցիկ են հասարակության առջև, և բնական է, որ մարդկանց մոտ հողերի հանձնման կասկածներ են առաջանում: Ուրեմն պետք է ցրել այդ կասկածները, հանդես գալ ելույթներով և բաց ներկայացնել անելիքը»:
Մանրամասները՝ տեսանյութում: