Թուրքիայի նախագահ Ռեջեփ Էրդողանը հեռուստատեսությամբ դիմել է թուրք ժողովրդին՝ կոչ անելով «պահպանել հանգստություն՝ կապված երկրում ստեղծված իրավիճակի հետ»: Այս մասին տեղեկացնում է TASS-ը:
Էրդողանը հաղորդել է, որ հեղաշրջման փորձից հետո ձերբակալված զինվորական և քաղաքացիական անձանց թիվը կազմել է 13.156 մարդ, որոնցից 126-ը գեներալներ են:
Նախագահը խոստացել է բոլոր պետական կառույցները «մաքրել» իսլամիստ Գյուլենի կողմնակիցներից, որի վրա են իշխանությունները դրել հեղաշրջման կազմակերպման պատասխանատվությունը:
«Երկիրը ազատվել է հիվանդությունից և առողջացման է գնում: Թուրքիայի տնտեսությունը պահպանում է կայունությունը և զարգանում է: Առջևում մեզ սպասվում է բազմաթիվ նոր կարևոր նախագծերի իրականացում»,- ասել է Էրդողանը: