Արևային մարտկոցներով Solar Impulse-2 ինքնաթիռը սկսել է իր շուրջերկրյա ճամփորդության վերջին թռիչքը՝ հայտնում է BBC-ն:
Թռչելով Կահիրեից՝ այն, ինչպես սպասվում է, 48 ժամ անց վայրէջք կկատարի Աբու Դաբիում, որտեղից սկսվել և որտեղ պետք է ավարտի շուրջերկրյա ճամփորդությունը:
Երկրագնդի շուրջ թռիչքը մեկնարկել է 2015 թվականի մարտի 9-ին: Ինքնաթիռի օդաչուներն են շվեյցարացիներ Բերտրան Պիկարը և Անդրե Բորշբերգը: 72 մ թևերի բացվածքով և 2.3 տոննա կշռով ինքնաթիռը թռիչքի համար օգտագործում է միայն արևային էներգիա: Նրա թևերը պատված են 17 հազար արևային տարրերով:
Ինչպես հաղորդել են թռիչքի կազմակերպիչները՝ իրենց նպատակն է ոչ թե արևային ինքնաթիռների մոդելների ստեղծումը, այլ էներգիայի այլընտրանքային աղբյուրների օգտագործման հնարավորությունը ցուցադրելը:
