«Ժողովուրդ, եթե ուզում ենք արյունահեղությունը կանխենք, տարիների ընթացքում կուտակված դժգոհությունները փարատվեն, պետք է դուրս գալ տներից ու սկսել Հայաստանի վերականգնման գործընթացը». Խորենացի փողոցում հավաքվածներին հորդորեց Սփյուռքում ծնված, Ալեք Ենիգոմշյանի զինակից ընկեր Անդրանիկ Պողոսյանը, որին իշխանությունները թույլատրել էին այսօր լրագրողների հետ մուտք գործել ՊՊԾ գունդ, որպեսզի «Սասնա ծռեր» խմբի տղաներին համոզեր՝ վայր դնել զենքերը:
Անդրանիկ Պողոսյանը հայտարարեց. «Այս օրերին տագնապում էի, որպեսզի այդ տղաների գլխից մի մազ չպակասի, իրոք, պետք է միջնորդել, այլընտրանք գտնել, որ առանց արյունահեղության դուրս գալ այս իրավիճակից:
Իսկապես առաջին պահերին ես հորդորում էի տղաներին, որ այլընտրանքներ գտնել, բայց տեսնելով այդ տղաների կամքը, վճռականությունը՝ ես սկսել եմ փոքրանալ նրանց կամքի առաջ, մանավանդ, երբ հիշեցնում էին իմ անցյալը»:
Մանրամասները՝ տեսանյութում:
