ԴԱԻՇ ահաբեկչական խմբավորման զինյալները բանակցություններ են վարում Սիրիայի Մանբիջ քաղաքի վիրավոր բնակիչներին իրենց զինյալների հետ փոխանակելու հարցով, հայտնում է Al Mayadeen հեռուստաալիքը` հղում անելով Մանբիջի զինվորական խորհրդին:
Զինվորական խորհրդի հայտարարության համաձայն` քաղաքի խաղաղ բնակիչները դարձել են ահաբեկիչների պատանդները և «մանրադրամը»:
Քրդերի տվյալներով` ահաբեկիչները Մանբիջի բնակիչներին ավիահարվածների ժամանակ օգտագործում են որպես կենդանի վահան:
«Սիրիայի դեմոկրատական ուժերը» մոտ մեկ ամիս է փորձում են ազատագրել Հալեպի հյուսիս-արևելյան շրջանում գտնվող քաղաքը: Ահաբեկիչները այդ հարձակումները կանխելու համար օգտագործում են մեծ քանակությամբ մահապարտներ:
