Խորենացի փողոցում այսօր ՔՊ կուսակցության քաղխորհրդի անդամ, ՀԱԿ խմբակցության պատգամավոր Նիկոլ Փաշինյանը հայտարարեց, որ հավաքվածների հետ ունենալու է ծանր խոսակցություն. «Պիտի զինվեք համբերությամբ և մինչև վերջ լսենք: Այսօր արցախի հերոս, գեներալ Վիտալի Բալասանյանը լրագրողների հետ զրույցում ասել է, որ ինքը կես ժամ առաջ խոսել է Ժիրայր Սեֆիլյանի հետ ու կարող է պաշտոնապես հայտարարել, որ Ժիրայր Սեֆիլյանը հրաժարվել է Սերժ Սարգսյանի հրաժարականի պահանջից: Ես չեմ ուզում հավատալ միջնորդավորված այս հայտարարությանը և հույս ունեմ, որ Ժիրայր Սեֆիլյանը կգտնի պարզաբանում տալու հնարավորություն: Անձամբ ինձ համար այս հայտարարությունը նման է մղձավանջի, եթե Աստված մի արասցե, սա հաստատվի: Սա կլինի երկրորդ անգամը, որ որևէ քաղաքական ուժ ինձ փորձում է համոզել, ապացուցել միանալ Սերժ Սարգսյանի հեռացման համար իրենց առաջ քաշած պայքարին, և երբ որ մենք դրան վերաբերելով զգուշավորությամբ, որոշակի մտահոգություններ ունենալով, թե ինչքանով է այդ պահանջն այդ ձևի մեջ անկեղծ, այնուամենայնիվ, որոշում ենք քայլ կատարել՝ դա լրջացնելու ուղղությամբ, վճառական պահին մեզ հրավիրող ուժը հրաժարվում է իր կեցվածքից»:
«Սուտ է, սուտ է»,- լսվեց ցուցարաների ձայնը, որոնք չհավատացին, որ Սեֆիլյանը նման կարծիք հայտնած կլինի: «Եթե սուտ լինի, դա լավ նորություն կլինի մեզ համար»,- արձագանքեց Ն. Փաշինյանը:
«Հիմնադիր խորհրդարան»-ի անդամ Ալեք Ենիգոմշյանը ինչ-որ բան ասաց՝ ընդհատեով Ն. Փաշինյանի խոսքը: «Պարոն Ենիգոմշյան, խոսքս ավարտեմ, ձեզ ձայն կտամ: Ես ոչ միայն իմ ձայնն եմ փոխանցելու, այլ այսօրվա հայտարարություններից հետո հարթակային բոլոր լիազորություններս հանձնելու եմ Ալեք Ենիգոմշյանին ու մյուս նախաձեռնող խմբին:
Վերջին օրերին ինձ մեղադրում են, ասում են՝ անձնական, կուսակցական PR-ով եմ զբաղված այստեղ և սեփականացրել եմ գործընթացը: Ես ու ՔՊ կուսակցության ներկայացուցիչները իջնելու ենք հարթակից ու մասնակցելու են՝ որպես հավաքի մասնակիցներ»։
Մանրամաասները՝ տեսանյութում: