«Որպես քաղաքագետ և որպես պատմաբան՝ կարող եմ ասել, որ ցանկացած երկրում ոչ միայն Հայաստանում, որտեղ փակվում են բողոք արտահայտելու, բողոքի միջոցով արդյունքի հասնելու բոլոր խողովակները և միայն արտահայտման մեթոդներն են մնում բաց, այսինքն՝ կեղծ իրավիճակ է ստեղծվում բողոքն արտահայտելու, և որևէ փոփոխություն չի լինում, տեղի է ունենում խոր լճացում 20-25 տարիների ընթացքում»,- «Առաջին լրատվական»- ի հետ զրույցում այս մասին ասաց քաղաքագիտության դոկտոր Հայկ Մարտիրոսյանը:
Նրա խոսքով՝ որպես կանոն նման երկրներում նման պարագաներում գտնվում են մարդիկ, որոնք դիմում են զենքի, որոնք զենքի մարդիկ են, և ընտրում են այն ճանապարհը, որը ծանոթ է իրենց: Քաղաքագետի կարծիքով՝ զուտ քաղաքագիտական տեսանկյունից մենք Հայաստանում գործ ունենք հենց նման իրավիճակի հետ:
«Ինձ այստեղ մի բան է չափազանց զարմացնում, որը տրամաբանական չէ, բայց այդպիսի ոչ տրամաբանական դեպքեր նույնպես լինում են միջազգային պրակտիկայում, դա Հայաստանի իշխանությունների արձագանքն է ստեղծված իրավիճակին: Նախագահը բառացիորեն հայտարարեց, որ չի պատրաստվում զիջման գնալ,- ասաց Հ. Մարտիրոսյանը՝ հավելելով, որ իշխանությունը պետք է ձեռնարկի կտրուկ քայլեր իրավիճակը փրկելու համար:
«Պայթյունավտանգ իրավիճակ է, իսկ իշխանության մոտ արևելյան մաչոյական մտածողություն է,- ընդգծեց քաղաքագիտության դոկտորը՝ հավելելով, որ իշխանությունները կտրված են իրականությունից և չեն պատկերացնում, թե ինչ իրավիճակ է ստեղծվել»:
Մանրամասները՝ տեսանյութում:
