«Համագործակցություն հանուն ժողովրդավարության» կենտրոնի նախագահ Ստեփան Դանիելյանը «Առաջին լրատվական»- ի հետ զրույցում փորձելով վերլուծել Հայաստանում ստեղծված աննախադեպ իրավիճակը և հայտնելով իր տեսակետները՝ նշեց. «Այստեղ երեք տարբերակ կա, առաջինը՝ մարդասիրական՝ և՛ տղաները, և՛ ոստիկանները չեն ցանկանում, որ որևէ մեկը զոհվի, և պետք է այս վիճակն ինչ-որ կերպ հանգուցալուծվի, երկրորդ տարբերակը պայմանականորեն անվանենք քաղաքական, որովհետև զինված խումբը գրավել է այդ ոստիկանական տարածքը լարված մթնոլորտ ստեղծելու համար, որպեսզի քաղաքական գործընթացներ սկսվեն. եթե իրենց նպատակը դա է, ապա պետք է քաղաքական գործընթացներ սկսվեն, հարցադրումներ արվեն և ինչ-որ զարգացումներ լինեն: Եվ երրորդ տեսակետի համաձայն՝ այդ ամեն ինչը կապված է Ղարաբաղի հետ:
Փաստորեն կուսակցությունները երրորդ տարբերակի վրա շեշտադրում արեցին՝ ասելով, որ հիմա ժամանակը չէ, Արցախի հարցն է լուծվում, ինչ-որ զիջումների են գնում՝ պարզ չէ թե ինչի դիմաց, և դուք խանգարում եք, որպեսզի մենք այդ զիջումների գործընթացն ավարտենք»:
Ստեփան Դանիելյանի դիտարկմամբ՝ եթե քաղաքական գործընթաց գնա, զինված խումբը կդառնա լեգիտիմ, իսկ եթե քաղաքական գործընթացներ չսկսվեն, զինված խմբի գործողությունները կլինեն դեստրուկտիվ, կհամարվեն ապօրինաբար կատարված:
Ս. Դանիելյանի կարծիքով՝ Նիկոլ Փաշինյանը երկրորդ տարբերակն է ընտրում, քաղաքական գործընթաց է սկսում:
Մանրամասները՝ տեսանյութում: