Արդեն վեցերորդ օրն է ոստիկանության ՊՊԾ գունդը գտնվում է «Սասնա ծռեր» խմբի հսկողության տակ: Մեկ շաբաթ լռելուց հետո այսօր գրեթե միաժամանակ հայտարարություններով հանդես եկան Ս. Սարգսյանը և Լ. Տեր-Պետրոսյանը:
«Ժառանգություն» խմբակցության պատգամավոր Զարուհի Փոստանջյանի խոսքով՝ նրանց հայտարարությունների ոճը տարբեր է, սակայն բովանդակությունը նույնն է: «Նրանց հայտարարությունները ես գնահատում եմ որպես դավաճանություն և կարծում եմ, որ Լ. Տեր-ՊԵտրոսյանը պետք է լռի, ինչպես իր հոգևոր առաջնորդը՝ Լենինը, այսինքն՝ նա գոյություն չունի, մեռած է, բայց թաղված չէ, հետևաբար նա պետք է լռի ընդհանրապես:
Իսկ ինչ վերաբերում է Ս. սարգսյանին, ապա նա պետք է հեռանա, և ցանկալի է, որ նրա հեռացումը լինի առանց ցավի և առանց արյունի»,- ընդգծեց Զարուհի Փոստանջյանը:
Զ. Փոստանջյանի խոսքով՝ այսօր ծառացած խնդիրը Ժիրայր Սեֆիլյանինը կամ «Սասնա ծռեր»-խմբի անդամներինը չէ, մեր բոլորիս՝ հայ հանրության, հայ ժողովրդի խնդիրն է. «Ուղղակի նրանք ժողովրդի նվիրյալներ են, և խնդիրը բարձրացրել են այս մակարդակի. խնդիրը մերն է, և մենք ունենք միայն մեկ պահանջ՝ Ս. Սարգսյանը պետք է հեռանա, այլ ելք չկա»:
Մանրամասները՝ տեսանյութում:
