«Այսօր փակուղու մեջ են և՛ հասարակությունը, և՛ իշխանությունները, և՛ ազատամարտիկները, որոնք այս գործողությունները կատարել են», «Առաջին լրատվական»- ի հետ զրույցում այս տեսակետը հայտնեց «Համախմբում» կոսակցության վարչության անդամ Ռուբեն Կարապետյանը՝ հավելելով, որ իշխանությունների կողմից բանակցությունների գնալու ցանկություն չի տեսնում: Նրա կարծիքով՝ անգամ նրանք, ովքեր հրապարակայնորեն դեմ են արտահայտվում զինված պայքարին, հոգու խորքում կողմ են իշխանափոխությանը:
«Իրավիճակն աննախադեպ է Հայաստանի համար, ստեղծվել է խոր քաղաքական ճգնաժամ: Բոլորս էլ գիտենք, թե ինչի համար է դա կատարվել, և թե այս ամենը ինչի հետևանք է:
Իշխանությունների պահվածքը, 6-րդ օրը խոսելը էլ ավելի խճճեց, բարդացրեց իրավիճակը: Բազմաթիվ անգամներ բռնի ուժով, անգամ զենքի գործադրումով լռեցվել են և՛ քաղաքական գործիչներ, և՛ քաղաքացիական անձեր: Զենքով պայքարի դուրս գալը ծայրահեղ միջոց է, որը հետևանք է այս տարիների ըթացքում Հայաստանի առջև ծառացած և՛ ներքին, և՛ արտաքին մարտահրավերների. սա արդյունք է արտաքին մարտահրավերներին իշխանությունների դիմակայության անկարողության»,- նշեց Ռ. Կարապետյանը:
Նրա գնահատմամբ՝ պարտադրված է քաղաքական նոր օրակարգ, և արտահերթ զարգացումները չեն բացառվում:
Մանրամասները՝ տեսանյութում: