Հայաստանի ստեղծագործական միությունների ղեկավարների ասուլիսին ներկա Ճարտարապետների միության նախագահ Մկրտիչ Մինասյանի խոսքով՝ իշխանությունները պետք է դասեր քաղեն անցյալից, հետևություններ պիտի անեն որպեսզի նման իրադարձություններ տեղի չունենան: «Այսպես չի կարելի շարունակել: Այդ տղաները, որոնք գտնվում են այնտեղ, նրանց նկատմամբ պետք է լինի արդար լուծում, արյունահեղություն չպետք է լինի, բայց դրանից հետո ինչ- որ մի բան պետք է փոխվի:
Անցյալ տարի էլեկտրաէներգիայի պայքարը, մարդիկ, որոնք բազմաթիվ տարիներ մնացել են իրենց տներից դուրս… Հարցեր չեն լուծվում, գերատեսչությունները չեն անում իրենց գործը, մարդկանց հետ չեն խոսում, և այդ բոլորը մթնոլորտ է ստեղծում: Ինչպե՞ս կարելի է մարդկանց այդպես վերաբերվել, ցինիզմով պատասխանել, չէ՞ որ այդ բոլորը կուտակվում է և մեծ դժգոհության ալիք է բարձրանում: Հիմա այդ դժգոհության ալիքի կետը վերցրել են տղաները, որովհետեւ արյան հոտը իրենք գիտեն»,- նշեց նա:
«Եթե հանկարծ արյունահեղություն լինի, մեզ դժվար ժամանակներ են սպասվում»,- մտահոգություն հայտնեց Մ. Մինասյանը:
Մանրամասները՝ տեսանյութում:
