«Ժիրայր Սեֆիլյանը չի սկսել այս ամեն ինչը, այս ամենն սկսվել է դեռ 25 տարի առաջ և գնալով ավելի ահագնացավ… Այս հարցով ես կդիմեի նախագահին՝ անսալով Ձեր բանականությանը և սթափ մտքին, հարգելի նախագահ, խնդրում ենք ականջալուր լինել Ձեր ժողովրդին, որովհետև ժողովուրդն այլևս չի դիմանում:
Ի վերջո հո Սեֆիլյա՞նը չի ժողովրդին հասցրել այս վիճակին: Այն ինչ-որ կատարվում է մեր երկրում, արդեն աբսուրդից դուրս է. այս աստիճան մարդկային կյանքերի, հոգեկան աշխարհի, նյարդերի, սերնդի հետ խաղալ արդեն չի կարելի, արդեն հոգնել ենք»: Այս մասին «Առաջին լրատվական»- ի հետ զրույցում ասաց դերասան Լալա Մնացականյանը՝ հավելելով, որ կարող է անկանխատեսելի պոռթկում լինել:
«Այն երկրում, որտեղ արյունահեղություն է լինում, այդ երկրի նախագահը միանգամից հեղինակազրկվում է,- նշեց դերասանը: Նա իրավիճակի հանգուցալուծումն ակնկալում է միայն նախագահից:
Լալա Մնացականյանի դիտարկմամբ՝ Սերժ Սարգսյանը պետք է սթափ քայլ կատարի, որպեսզի կանխվի արյունահեղությունը:
Մանրամասները՝ տեսանյութում:
