«90-ականներից այս կողմ նման գործելաոճ չենք նկատել. այն, որ ոստիկանությունը քաղաքացիներին ապօրինաբար տանում է ոստիկանություն, շատ ենք տեսել, բայց որ ոստիկանությունում 3 ժամի փոխարեն պահեն 32 ժամ, այդ ընթացքում անգամ սնունդ չտան, տասնյակ ժամեր շարունակ քաղաքացիներին թույլ չտան տեսակցել փաստաբանի հետ, այսինքն՝ զրկել իրավական աջակցության իրավունքից, քաղաքացիներին ոստիկանության փոխարեն տանել ոստիկանության զորքերի զորամաս… սա ապօրինություն է, անգամ 2008-ի մարտի մեկին այսպես չէին վարվել»: Այս մասին «Առաջին լրատվական»- ի հետ զրույցում ասաց «Իրազեկ քաղաքացի միավորում» ՀԿ նախագահ Դանիել Իոնիսյանը:
Նա նաև տեղեկացրեց, որ ահազանգեր են եղել թեժ գծին, հիմնականում ահազանգում են այն քաղաքացիների հարազատներն, ովքեր բերման են ենթարկվել կամ անհետ կորած են, որոնք հետագայում հայտնաբերվում են ոստիկանության բաժանմունքներում, ոստիկանության զորքերի ստորաբաժանումներում կամ հիվանդանոցներում: Քաղաքացիները զանգահարում են նաև խորհրդակցության համար:
Դանիել Իոնիսյանի հավաստմամբ՝ Խորենացի փողոցում բախումն առաջացել է սադրիչների պատճառով: Նրա կարծիքով՝ ցուցարարներին ողջամիտ առաջնորդներ են պետք:
Մանրամասները՝ տեսանյութում:
